मारनिन्ग बाक

 

काली साँझ बेरा चेला भोला शंकर ह मोला बोलिस - महाराज तैं ह बिहाने देर तक सुत के अपन लाइफ के भेस्ट करथस ।

 

मैं बोलओं – कैसन बे , मोर लाईफ कईसे भेस्ट होथे ? 

 

भोलाशंकर बोलिस -  ई दंतेवाड़ा नई हे महाराज, रायपुर हे । इहाँ बिहाने बिहाने टनाटन टुरी मन टाईट टिरेकसूट पहिन के कुकुर घुमाथें अऊर हाय हलो घला करथें । बिहाने उठ अऊर तैं भी घुम के देख, तोर उमर भी जादा नई हे अऊर देखे में भी तोर चोखटा बने हे । कोनो सेट हो जाहि त चेहरा अऊर फरिहा जाही । 

 

मैं बोलओं – चल बे साले एक ठन तो नई सम्भले । साले रात के नींद उ ह खराब कर दिये हे अऊर दूसर ओखली के जुगाड़ में बिहान के अपन नींद खराब करहूँ ।

मगर साला बेंदरा कतको बुढ़ा जाय गुलाटी मारे के मौका नई छोड़े । मैं घलो सोचओं, चलो साले टिराई करे में का हरज हे । कालि राति के फटाफट चौका बर्तन माँज के फेसबुक म गुडनाईट लिख, नींद के गोली दबा के सुत गेओं अऊर बिहाने बिहाने नवा टिरेकसूट में सेंट लगा के निकलेओं ..  का कइथें ओला ...  हाँ जोगी’न्ग ।

 

रास्ता म एकठन इंग्लिस स्टाईल के कपड़ा म टुरी टाईप के माई ह बिना लेन्गड़ी के करिया कुकुर ला हगाथ रहे, ओला देख के ऑटोमेटकली मोर मुँह से डिलिवरी होगे ..  हैब ए नाईस डे मेडम

उ साली ह स्टाईल से मुस्किया के डाईरेक्ट मोर बेज्जती खराब कर दिस ।

मोला बोलिस – सेमटू यू

मोर दिमाग खराब होगे मैं घला ओकर मुँह के उपर ही इमिडियेट रिप्लाई देओं ...   जा बे तोर एसन कतिक आगे पाछू घुमत हें। साली तैं सेमटी, तोर कुकुर घलो सेमटू ।

साले इ शहर के टुरी मन अब्बड़ अनएग्रीकल्चर्ड होथें बे । रत्ती भर भी पेटीकेट नई हे । थू हे ऐसन मारनिन्ग बाक म, जेनला कुकुर घुमाय के शौक हे उ जाओ, मैं त अब मोर बाई ह ले जाही तबैं जाहूँ 


00000000000000000000000000000000000000000000000000000000000000